سکھانے کے مؤثر طریقہ کار
بچوں کو گروپس میں تقسیم کریں، انہیں آپس میں بات چیت کرنے کے مواقع فراہم کریں اور انہیں ایسے عملی سرگرمیوں میں مشغول کریں جو وہ خود انجام دے سکیں۔
بچوں میں باہمی تعاون اور خیالات شیئر کرنے کے رجحان کو فروغ دینے کے لئے تھنک- پیئر - شیر (Think - Pair - Share) کا طریقہ کار اپنائیں۔
بچوں کے ردعمل کو دیکھتے ہوئے انہیں کسی سوال کے حل کرنے میں مدد فراہم کریں یا ان میں خود اعتمادی پیدا کرنے کے لیے بغیر مدد کے خود ہی سوال حل کرنے کا کہیں۔
کسی پیچیدہ کام کو آسان اور قابل عمل بنانے کے لئے اسے چھوٹے چھوٹے حصوں میں تقسیم کرنے کا طریقہ کار اپنائیں۔
چھوٹے چھوٹے کام سرانجام دینے کے لئے بچوں میں گروپ ورک کی مدد سے ایک دوسرے سے سیکھنے کے عمل کو بھی فروغ دیں۔
ہر بچے کی انفرادی کار کر دگی کو بڑھانے کے لئے ایک گروپ کے اندر ان کو مخصوص ذمہ داریاں مختص کرنے کا طریقہ کار آزمائیں۔
بچوں کی انفرادی ضروریات، صلاحیتوں اور دلچسپیوں کی بنیاد پر ان کے گروپس بنائیں۔
ہر بچے میں سیکھنے کی اہلیت مختلف ہوتی ہے۔ اس حقیقت کے پیش نظر مختلف قسم کے وسائل کو انتخاب کرنے کا طریقہ اپنائیں۔
ایسے سوالات کریں جن کے جوابات کے امکانات وسیع ہوں۔ اس سے بچوں میں تجسس پیدا ہو گا۔
حقیقی زندگی کی مثالوں کا استعمال کریں تا کہ بچے مسئلے کے حل نکالنے کا عملی مظاہرہ کر سکیں۔
منظر نامہ 1 - سائنس: ایکٹیو لرننگ (واٹر سائیکل)
طلباء کو گروپوں میں تقسیم کریں اور ہر گروپ کو مواد کا ایک سیٹ دیں (جیسے پانی، پلاسٹک کے برتن اور حرارت کا ذریعہ) تاکہ وہ ایک چھوٹا سا واٹر سائیکل بنا سکیں۔ انہیں پانی کے بخارات بننے، گاڑھا ہونے، اور بارش کی صورت میں گرنے کے عمل کا مشاہدہ اور گفتگو کرنے کی حوصلہ افزائی کریں۔ یہ عملی تجربہ ایکٹیو لرننگ کو فروغ دیتا ہے کیونکہ طلباء خود حصہ لیتے ہیں، مشاہدات کرتے ہیں، اور پورے عمل پر غور کرتے ہیں۔
منظر نامہ 2 - اردو: سکیفولڈڈ لرنینگ (بنیادی جملے کی ساخت)
سب سے پہلے بنیادی جملے کی ساخت سکھائیں: فاعل + فعل + مفعول (مثال کے طور پر، "کا گیند کھیلتا ہے")۔ طلباء کو ایک ورک شیٹ دیں جس میں وہ خالی جگہیں پر کریں، جیسے لڑکی ۔ کتاب" (پڑھتی ہے)۔ جب وہ سمجھنے لگیں، تو انہیں دیے گئے الفاظ کی فہرست سے اپنے جملے بنانے کو کہیں۔ آہستہ آہستہ کھلے سوالات جیسے "اگر ہم جملے سے فاعل کو ہٹا دیں تو کیا ہوگا؟" پوچھیں تاکہ وہ خود جملے بنائیں اور گہری سمجھ پیدا ہو۔
منظر نامہ 3 - انگریزی: کولیبوریٹیو لرننگ (کہانی لکھنا)
طلباء کو چھوٹے گروپوں میں تقسیم کریں اور ان سے ایک مختصر کہانی مل کر لکھنے کو کہیں۔ ہر طالب علم کو مختلف حصے کی ذمہ داری دیں: ایک تعارف لکھے ، دوسرا مرکزی خیال، اور ایک نتیجہ۔ مسودہ تیار کرنے کے بعد، طلباء ایک دوسرے کے حصے پڑھیں اور رائے دیں۔ یہ گروپ کام کولیبوریٹیو لرننگ کو فروغ دیتا ہے کیونکہ ہر د طالب علم حصہ ڈالتا ہے اور اپنے ساتھیوں کے خیالات سے فائدہ اٹھاتا ہے۔
منظر نامہ 4 - ریاضی: ڈفرنشیئیٹڈ لرننگ (ورڈ پرابلم)
طلباء کی مختلف صلاحیتوں کے مطابق ورڈ پرابلم تیار کریں۔ تعلیمی لحاظ سے بہتر طلباء کے لیے متعدد مراحل والے مسائل دیں جن میں ضرب اور تقسیم شامل ہوں۔ تعلیمی لحاظ سے كمزور طلباء کے لیے ایک مرحلے کے جمع یا تفریق کے مسائل دیں۔ کچھ طلباء کو تصویری مدد یا عملی اشیاء فراہم کریں، ان کی ضروریات کے مطابق اس سے ان کی انفرادی صلاحیتوں کا خیال رکھا جاتا ہے۔
منظر نامہ 5 - سائنس: تجسس ابھارنے والی لرننگ (پودوں کی افزائش)
طلباء کے سامنے ایک سوال پیش کریں: پودوں کی افزائش پر کون سے عوامل اثر انداز ہوتے ہیں؟ انہیں ایک ایکسپیریمینٹ ڈیزائن کرنے دیں جہاں وہ متغیرات جیسے پانی سورج کی روشنی، یا مٹی کو کنٹرول کریں۔ انہیں نظریات بنانے اور مختلف حالات کے پودوں پر اثرات کا مشاہدہ کرنے کی ترغیب دیں۔ یہ طریقہ طلباء میں تجسس ابھارنے والی لرننگ کو فروغ دیتا ہے کیونکہ وہ تحقیقی بنیاد پر تصورات تلاش کرتے ہیں۔
