اہم پیغامات

اس تربیتی کتابچہ میں ہم نے مشاورت کا ایک نیا طریقہ متعارف کرایا ہے، جو مشاورت کے اصول ہیں.

1. پوچھنا (Ask): بچوں کی دیکھ بھال کے سلسلے میں خاص اقدامات کے بارے میں پوچھیں۔ کیا ان پر عمل کیا جارہا ہے یا نہیں۔ اگر نہیں کیا جارہا ، تو اس کی وجہ دریافت کریں۔
2. سوچنا (Brainstorm): ماؤں سے مسائل کے حل پر بات کریں ۔ خاص طور پر ایسے حل پر جو خاندان کے لئے ممکن ہوں۔
3. رہنمائی فراہم کرنا (Coach): ماؤں کو بچے کی دیکھ بھال کے لئے مطلوبہ اقدام کے لئے درکار مہارتیں سکھانے میں مدد فراہم کریں۔

• ہر ملاقات کا آغاز ماں سے موجودہ صورتِ حال پوچھ کر کریں ۔ دوستانہ تعلقات پیدا کرنے کی کوشش کریں۔
• ماں اور خاندان کی بات غور سے سنیں اور ان کے خیالات کو اہمیت دیں۔
• ماں کے نقطہ نظر کو سمجھداری سے ان کے خاندان کی صورتِ حال کو سمجھیں اور اس کے ساتھ ہمدردی کا مظاہرہ کریں۔
• گفتگو کے دوران نظریں ملا کر بات کریں اور یہ احساس دلائیں کہ آپ واقعی ان کے مسائل میں دل چسپی رکھتی ہیں۔
• عورت اور اس کے خاندان کو بات کرنے کے لئے مناسب وقت دیں۔
• ان کے خیالات کو سننے کے دوران فوری طور پر کسی بھی فیصلہ نہ کریں اور نہ ہی تنقید ی انداز اختیار کریں۔
• مسئلے کی جڑ تک پہنچنے کی کوشش کریں۔

• ماں اور خاندان سے مل کر اس مسئلے کا حل تلاش کریں جس کی شناخت پہلے مرحلے (پوچھنا/Ask) میں کی گئی تھی۔
• پیش کردہ حل پر عمل کرنے کے لئے ماں اور خاندان کی مدد کریں۔
• کام کو آسان ، چھوٹے اور قابل عمل اقدامات میں تقسیم کریں۔
• مختلف اوقات پر ان تمام اقدامات پر عمل دہراتے رہیں جب تک کہ کام مکمل نہ ہوجائے۔
• ان چھوٹی اور معمولی تبدیلیوں پر بھی ماں کی تعریف کرنا مت بھولیں جو آپ کے مشاہدے میں آئیں۔
• جب آپ مسئلے کا حل تلاش کرلیں تو ماں اور خاندان کو اس کے مطابق عمل کرانا سب سے اہم کام ہے۔

• دوسرے مرحلے (رہنمائی) کے دوران تلاش شدہ حل پر عمل کرنے کے لئے ماں کی مدد کریں۔
• ماں کو نئی مہارتوں سے روشناس کرانے کے دوران صبر اور قابلیت کا مظاہرہ کریں۔
• یہ یقین کرنے کے لئے اپنے الفاظ کو بار بار دہرائیں کہ آپ خاندان کے مسائل حل کرنے کے لئے درست نتیجے پر پہنچی ہیں۔