سہولت کار کے لئے
ہر سیشن کے اختتام پر، تربیت کار/سہولت کار سیشن نوٹ کرے کہ سیشن کے دوران کیا کچھ سیکھنے کو ملا اور کیا دل چسپ باتیں سامنے آئیں۔ یہ معلومات اگلے سیشنز میں کام آئیں گی ۔
تربیتی پروگرام کو شروع کرنے سے قبل تربیت کار کے لئے درج ذیل اقدامات ضروری ہیں:
- تربیتی کتابچے کو غور سے پڑھنا۔
- ہر سیشن کے تسلسل اور ڈھانچے کو اچھی طرح سمجھنا۔
- تربیت کا وقت شروع ہونے پر مشاورتی کارڈز اور تربیتی مواد کو اپنے پاس رکھنا۔
- تربیتی پروگرام کے دوران استعمال ہونے والی اشیا اور مواد کی موجودگی کا اطمینان کرلیں جن میں چارٹ، مارکر، لکھنے کے لیے پینسل/پین اور کاپی، چارٹ پیپر، پینا فلیکس اور پراجیکٹر وغیرہ شامل ہیں ۔
- تربیتی پروگرام شروع ہونے سے قبل شرکأ کے بیٹھنے کی ترتیب کو تربیتی ضروریات کے مطابق ازسرنو ترتیب دینا۔
- ہر سیشن سے قبل سلائیڈز اور چارٹس کو ترتیب دینا اور سیشن کے دوران انہیں تفصیلی بیان کرنا۔
- تربیت میں شریک ہر ایک کو اپنے خیالات کے اظہار کا مساوی موقع فراہم کرنا اور ان کی بات غور سے سننا۔
- ہر سیشن کے دوران شرکأ کو دوستانہ ماحول فراہم کرنا اور ہر سیشن کے دوران مشاورت اصولوں کو سمجھنے کے لئے، سوچ و بچار اور رہنمائی کے تین مراحل کا استعمال کریں۔
- اپنے تاثرات پیش کرنا اور منفی تنقید سے گریز کرنا۔
- تربیتی پروگرام کے ایجنڈے پرعمل کرنا ۔
یہ تربیتی سرگرمیاں تین مختلف حصوں پر مشتمل ہے اوراس تربیتی پروگرام کے تین بنیادی حصے (ماڈیولز) ہیں:
- بچوں کی ابتدائی نشونما (ECD)، والدین کی ذمہ داریوں، بچے کی صحت، دیکھ بھال اور خاندانی نظام کے تصورات کا تعارف کرایا جائے گا۔
- شرکأ کی مشاورت کی بنیادی مہارتوں میں اضافہ کیا جائے گا۔
- بچے کی دیکھ بھال کے کلیدی طریقہ کار کو کیسے استعمال کیا جائے۔